Фото: Kun.uz
Қор кўчкиси хавфи юзага келгани сабабли Қамчиқ довони вақтинча ёпилди. Бу ҳақда Фавқулодда вазиятлар вазирлиги хабар бермоқда.
Гидрометеорология хизмати маркази томонидан берилган маълумотга кўра, бугун, 12 март куни соат 9:00 дан А-373 халқаро автомобиль йўлининг Қамчиқ довони қисми автомобиллар ҳаракати учун вақтинча ёпилди.
Билдирилишича, айни дақиқаларда ФВВ раҳбарлигида тегишли ташкилотларнинг мутахассислари томонидан вазият оқибатларини бартараф этиш борасида кенг кўламли профилактик ишлар амалга оширилмоқда.
Қамчиқ довони қайта очилиши бўйича ФВВ матбуот хизмати қўшимча маълумот тақдим этиши айтилган.
