Наманган ва Олмаота ўртасида мунтазам авиақатнов йўлга қўйилди

Қозоғистоннинг «SCAT Airlines» авиакомпанияси Наманган ва Олмаота ўртасида мунтазам рейсларни йўлга қўйди, деб хабар бермоқда «Uzbekistan Airports».

Фото: Kun.uz

Қайд этилишича, 8 апрель куни «Наманган» халқаро аэропортига Қозоғистоннинг «SCAT Airlines» авиакомпанияси самолёти қўнди.

«Олмаота шаҳридан учиб келган Boeing-737 самолёти анъанага кўра, аэропортда тантанали равишда кутиб олинди. Шу куни соат 02:30 да Намангандан 170 нафар йўловчи Олмаота шаҳрига учиб кетди», дейилади маълумотда.

Таъкидланишича, Олмаота – Наманган – Олмаота йўналиши бўйича қатновлар мунтазам равишда бажарилади. Парвозлар чоршанба ва жума кунлари, ҳафтасига икки марта амалга оширилади.