Киев Европа кенгашининг июнда бўлиб ўтадиган йиғилишида Украинага ЕИ аъзолигига номзод мамлакат мақомини беришини кутмоқда.
Фото: imago
Украина ҳукумати мамлакатнинг Евроиттифоққа кириши бўйича сўровномани тўлдирди. Бу ҳақда Украина президенти офиси раҳбарининг ўринбосари Игор Жовква маълум қилди.
"Президент 9 апрел куни Еврокомиссия раҳбари Урсула фон дер Ляйенга ваъда берганидек, Украина томони бир ҳафта ичида сўровномани тўлдирди", - деди у.
Жовкванинг қўшимча қилишича, Европа комиссияси Киевдан ушбу ҳужжатни қабул қилиб олганидан сўнг Украинанинг ЕИга кириши бўйича критерияларга оид тавсияларни тайёрлайди.
Унинг сўзларига кўра, Киев Европа кенгашининг июнда бўлиб ўтадиган йиғилишида Украинага ЕИ аъзолигига номзод мамлакат мақомини беришини кутмоқда.
Украина президенти Владимир Зеленский 28 феврал куни Евроиттифоққа аъзо бўлиш учун ариза имзолаганди.
