Хитой қуролли кучлари Тайван яқинида ҳарбий машғулотлар ўтказди

Машғулотларда ҳарбий-денгиз ва ҳарбий ҳаво кучлари иштирок этди.

Фото: Patrick Lin/Reuters

Хитой қуролли кучлари Тайван ороли соҳиллари шарқи ва жануби-ғарбида ҳарбий машғулотлар ўтказди. Бу ҳақда Хитой халқ озодлик армияси жанговар қўмондонлиги хабар қилди.

Қўмондонлик хабарига кўра, машғулотлар ҳарбий-денгиз ва ҳарбий ҳаво кучлари иштирокида ўтказилди.

Машғулотлар давомида жанговар ракеталардан фойдаланилган.

"Машғулотлардан мақсад – умумқўшин операцияларини ўтказиш чоғида турли қўшинларнинг жанговар шайлигини текшириш ва ошириш", - дейилади хабарда.

6 май куни Тайван мудофаа вазирлиги Хитойнинг 18 самолёти орол ҳаво сарҳадини бузганини маълум қилганди.