Чилонзор туманида ўлим билан якун топган йўл-транспорт ҳодисаси содир бўлди. Пойтахт ИИББ расмий маълумот берди.
2022 йил 12 май тунги соат 03:00 ларда Чилонзор тумани Бунёдкор шоҳкўчасида йўл-транспорт ҳодисаси содир бўлган.
1999 йилда туғилган У.М. «Спарк» русумли автомобилни ишончнома асосида бошқариб, тезликни ошириши оқибатида руль бошқарувини йўқотган ва йўлни ажратиб турувчи қисмидаги бетон устунга урилган.
ЙТҲ натижасида автомобиль ҳайдовчиси олган тан жароҳатлари билан воқеа жойида вафот этган. Автомобил йўловчиси – 1995 йилда туғилган К.Ш. шифохонага олиб борилган, бироқ шифокорларнинг саъй-ҳаракатларига қарамасдан вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 3-қисми билан жиноят иши қўзғатилган. Тергов давом этмоқда.
