12 май куни Урганч шаҳрида мудҳиш оқибатли йўл-транспорт ҳодисаси юз берди.
Соат 14:30 ларда Ал-Хоразмий, Шерозий ва Ғафур Ғулом кўчалари туташган чорраҳада «Isuzu» русумли автобус ва «Lada» енгил автомобили тўқнашган.
Оқибатда автобус ён томонга ағдарилиб кетган, унинг 2 йўловчиси оғир тан жароҳати туфайли ҳодиса жойида вафот этган. Бир қанча йўловчилар жароҳат олган, уларга тиббий ёрдам кўрсатилган.
Холат юзасидан жиноят иши қўзғатилиб, тергов ҳаракатлари олиб борилмоқда.