Хорижда таҳсил олаётган ўзбекистонлик талабалар сони маълум бўлди

Қўмита хабарига кўра, 2021/22-ўқув йили бошига Ўзбекистонда жами олий таълим ташкилотлари сони 154 тани ташкил этиб, уларда  808,4 минг нафар талаба таҳсил олмоқда.

2020 йилнинг 1 январь ҳолатига, ЮНЕСКОнинг статистика институти маълумотларига кўра, Ўзбекистонга чегарадош ва айрим МДҲ мамлакатлари бўйича хорижда таҳсил олаётган талабалар сони:

• Қозоғистон – 89,3 минг нафар;
• Украина – 77,6 минг нафар;
• Туркманистон – 63,6 минг нафар;
• Ўзбекистон – 53 минг нафар;
• Россия – 48,2 минг нафар;
• Афғонистон – 31,5 минг нафар;
• Тожикистон – 27,6 минг нафар;
• Беларусь – 23 минг нафар;
• Қирғизистон – 13 минг нафар.

2021/22-ўқув йили бошига республикадаги барча олий таълим муассасаларида таълим олаётган талабалар сони 808,4 минг  нафарни ташкил этган.

Шундан, талаба йигитлар – 439,4 минг нафар, талаба қизлар – 369 минг нафар.

ЮНЕСКОнинг статистика институти маълумотларига кўра, Ўзбекистондан хорижда таҳсил олаётган талабалар сони:

• 2015 йил – 28,1 минг нафар;
• 2016 йил – 32,9 минг нафар;
• 2017 йил – 35 минг нафар;
• 2018 йил – 42,3 минг нафар;
• 2019 йил – 53 минг нафар.