Тиббиёт, иқтисодиёт, таълим, муҳандислик ва санъатга оид 26та йўналишни ўзига қамраган Ёджу техника институти – Ўзбекистондаги энг замонавий хусусий олийгоҳлардан. Kun.uz мухбири институтда бўлиб, абитуриентлар учун таништирув кўрсатуви тайёрлади.
Шавкат Мирзиёев 2017 йил ноябрида Корея Республикасига борганида, икки давлат вакиллари Тошкентда Ёджу техника институтини очишга келишиб олган эди. 2018 йил 24 июлга келиб, янги олийгоҳ Ўзбекистонда расман ОТМ сифатида лицензия олди.
Тошкент шаҳрида Ёджу техника институтининг ташкил этилиши олий хусусий таълимда рақобат муҳитининг пайдо бўлиши, ёшларнинг ўзлари ҳоҳлаган ва замонавий йўналишлар бўйича ўқиши, таълим ва саноатнинг боғланиши ҳамда таълимга оид бошқа масалаларнинг ижобий ечимига олиб келади.
Институт – замонавий жиҳозланган, ахборот-ресурс базаси доимий равишда янгилаб турилади. Дарс бериш учун малакали профессор-ўқитувчилар саралаб олинган. Улар қаторида Буюк Британия, АҚШ, Белгия, Жанубий Корея, Саудия Арабистони ва бошқа давлатлардан келган мутахассислар ҳам бор. Кўплаб маҳаллий профессор-ўқитувчилар эса Буюк Британия, Италия, Германия, Япония, Жанубий Корея ва АҚШнинг етакчи университетлари дипломларига эга.
Ёджу техника институти талабалари алмашинув дастурларида ҳамда қўшма ёки икки томонлама диплом олиш дастурларида қатнашиш имкониятига эга.
Талабалар 2+2 модели бўйича алмашинув дастурларида иштирок этишлари, яъни икки йил Тошкентда ўқиб, сўнг икки йил Кореядаги олийгоҳларда ўқишини давом эттириши ҳамда бир нечта диплом эгасига айланиши мумкин.
Хуллас, Тошкент шаҳридаги Ёджу техника институти халқаро ва дўстона муҳитда сифатли таълим олиш учун катта имкониятларни тақдим этади.
Айни пайтда янги ўқув йили учун қабул жараёни кетяпти. Батафсил маълумотларни юқоридаги таништирув-кўрсатуви, институтнинг расмий сайти ва +998 78 129 40 40 рақами орқали олиш мумкин.
Реклама ҳуқуқи асосида
