Қочқинларнинг ярмидан ортиғи (4,1 млн киши) Полшага йўл олган.
Фото: Kai Pfaffenbach/ Reuters
24 февралдан сўнг Украинани 8 млн 7014 киши тарк этди. Бу ҳақда БМТнинг қочқинлар ишлари бўйича олий комиссари бошқармаси маълум қилди.
Маълумот берилишича, уларнинг ярмидан ортиғи (4 млн 146 минг 144 киши) Полшага йўл олган.
Россиядан 1 млн 305 минг 18 нафар қочқин қўним топган. Украиналик қочқинлар сони бўйича кейинги ўринларда Венгрия (814 минг 607 киши) ва Руминия (691 минг 413 киши) турибди.
ТАСС манбасига кўра, Россиядаги Украина, “ДХР” ва “ЛХР”дан келган қочқинлар сони 2 млн нафардан ошган. Уларнинг ярмидан ортиғи ўзини ўзи мустақил деб эълон қилган республикалардан келган.
