Фарғонада дарахтга урилган Labo ёниб кетди

Фарғонада Labo бошқарувни йўқотиб, дарахтга урилган ва ёниб кетган. Бу ҳақда Фарғона вилояти ФВБ ахборот хизмати хабар бермоқда.

Фото: ФВБ ахборот хизмати

Маълум қилинишича, 2022 йил 7 июль куни соат 05:30да Қўқон-Яйпан йўлининг Ўзбекистон тумани “Кўл элаш” МФЙ ҳудудидаги кўчада ҳаракатланиб кетаётган Шаҳрихон шаҳрида яшовчи Н.Қ.га тегишли бўлган Labo юк машинаси ҳайдовчи бошқарувни йўқотгани сабабли йўл четидаги чинор дарахтига урилган. Зарба туфайли машинада ёнғин содир бўлган.

Ўт ўчирувчилар ҳодиса жойига 05:40да етиб бориб, олов 05:41да ўраб олинган ва 05:44да ўчирилган. Аммо унгача Labo тўлиқ ёниб кетган.

Ҳодиса оқибатида икки нафар фуқаро енгил тан жароҳати олиб, туман марказий шифохонасига ётқизилган. Ҳозирда уларнинг соғлиғи яхши.

Аввалроқ, Қашқадарёда ҳаракатланиб кетаётган Lada Kalina машинаси ёниб кетганди.

#ЙТҲ #Labo