Қирғизистон ташқи ишлар вазири билан телефон орқали мулоқот тўғрисида маълумот берилди.
2022 йил 13 июль куни Ўзбекистон ташқи ишлар вазири в.б. Владимир Норовнинг Қирғизистон ташқи ишлар вазири Жээнбек Кулубаев билан телефон орқали мулоқоти бўлиб ўтди.
Суҳбат чоғида Ўзбекистон-Қирғизистон дўстлик, яхши қўшничилик ва стратегик шериклик муносабатлари кун тартибидаги долзарб масалалар муҳокама қилинди.
Турли даражадаги бўлажак икки ва кўп томонлама учрашувларга тайёргарлик кўриш мақсадида кенг кўламли ва пухта ишларни амалга оширишнинг муҳимлиги қайд этилди.
Бундан олдин Москвада Владимир Норов ва Сергей Лавровнинг учрашуви бўлиб ўтганди.
