Ар-Риёд нефт қазиб олиш ҳажмини кўпайтириши мумкинлигини билдирди

Ҳозирда қиролликда кунига ўн миллион баррел нефт қазиб олинади.

Фото: AP Photo / Amr Nabil

Саудия Арабистони нефт қазиб олиш ҳажмини кунига уч миллион баррелга ошириши мумкин. Бу ҳақда қироллик валиаҳд шаҳзодаси Муҳаммад бин Салмон Форс кўрфази давлатлари ва АҚШ саммити очилиши маросимида айтди.

"Саудия Арабистони нефт қазиб олишни суткасига 13 миллион баррелгача етказиши мумкин, шундан сўнг ишлаб чиқаришни бундан ортиқ кўпайтириш имконияти қолмайди", — деди у.

Ҳозирда қиролликда кунига ўн миллион баррел нефт қазиб олинади.

Аввалроқ Муҳаммад бин Салмон Ар-Риёдга ташриф билан келган АҚШ президенти Жо Байден билан учрашув ўтказганди.

Учрашув якунларига кўра, Оқ уй Саудия Арабистони нефт бозоридаги мувозанатни тутиб туриш мажбуриятини олганини маълум қилди.