Қўшимча функционаллар
-
Тунги кўриниш
Навоийда юлдузларни кузатиш хизмати бўлган сайёҳлик мажмуаси қуриляпти
Вилоят марказидан қарийб 150 километр олисда, Қизилқум чўлида бунёд этилаётган масканда сайёҳлар от, туя ҳамда квадроциклда сайр қилиш имконига ҳам эга бўлишади.
Фото: Навоий вилояти ҳокимлиги матбуот хизмати
Навоий вилояти ҳокимлиги ахборот хизматининг Kun.uz’га хабар беришича, Навоий вилояти ҳокими вазифасини бажарувчи Нормат Турсунов Конимех туманининг Янгиғазғон овули ҳудудида қурилаётган мазкур лойиҳа билан танишган. Вилоят раҳбари қурилиш ишларининг бориши ва мажмуада дам олувчилар учун яратилаётган шарт-шароитларни кўздан кечирган.
Таъкидланишича, бу ерда сайёҳлар учун анъанавий ва ноанъанавий бўлган 10 га яқин хизмат турлари йўлга қўйилади. От, туяда ҳамда квадроциклда сайр қилиш, туз ва туя сути билан даволаш, юлдузларни кузатиш хизматлари шулар жумласидандир.
Ушбу маскан лойиҳа қувватига кўра кунига 250 нафарга яқин дам олувчига хизмат кўрсатади. Мажмуа ишга тушгач туризм хизмати экспорти йилига 800 минг долларни ташкил этиши кўзда тутилган.
Мавзуга оид
09:59 / 26.11.2025
Хитой компанияси Навоийда атмосферага заҳарли чиқиндилар ташлашни камайтириш бўйича лойиҳаларни амалга оширади
13:06 / 01.11.2025
Навоийда иккита туманга янги ҳоким тайинланди
09:03 / 20.09.2025
Ўзбекистон россияликлар орасида кузги саёҳатлар учун энг машҳур йўналишлардан бирига айланди
18:52 / 10.09.2025