Серена Уилямс теннис билан хайрлашди

Серена Уилямс — тўрт карра олимпия чемпиони, “Катта дубулға” туркумидаги турнирларнинг 23 марта ғолиби.

Фото: AP

Америкалик теннисчи Серена Уилямс спорт билан хайрлашди ва фаолиятини тугатишини маълум қилди. Унинг хати Vogue журналида эълон қилинди.

«Теннисдан кетиш вақтим келганини тан олиш мен учун оғир бўлди. Бу мен учун гўёки тақиқдек эди. Бу ҳақда ўйлашни бошлашим билан кўзларимга ёш келди», — деб ёзди 40 ёшли Уилямс.

«Айнан мен туфайли спортдаги аёллар ўзларини кўрсата олишларини англашди деб ўйлагим келади», — дея фикр билдирди теннисчи.

Уилямс US Open турниридан сўнг спортни узил-кесил тарк этишини таъкидлади. Турнир 29 августдан 11 сентябргача бўлиб ўтади.

Серена Уилямс — тўрт карра олимпия чемпиони. У 23 марта “Катта дубулға” туркумидаги турнирларнинг ғолиби ҳисобланади.

#теннис #Серена Уилямс