Иқтисодиёт университети ходими 3000 доллар билан ушланди
Департамент органлари томонидан ўқишга киритиш билан боғлиқ фирибгарлик ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Бош прокуратура ҳузуридаги департаментнинг Шайхонтоҳур туман бўлими томонидан Давлат хавфсизлик хизмати ва Ички ишлар бош бошқармаси ходимлари билан ҳамкорликда тезкор тадбир ўтказилган.
Унда, Тошкент давлат иқтисодиёт университети кабинет мудири вазифасида ишловчи С.М. фуқаро Ш.ни юқори лавозимда ишловчи танишлари орқали университет 2-мутахассислигига ўқишга киритиб қўйиши эвазига 3 000 АҚШ долларини олган вақтида ашёвий далиллар билан ушланган.
Андижон шаҳар бўлими томонидан ўтказилган тезкор тадбирда, фуқаро Ш.А. фуқаро Д.ни юқори лавозимда ишловчи танишлари орқали Андижон давлат университети сиртқи бўлимига ўқишга киритиб қўйиш эвазига 3 000 АҚШ долларини олган вақтида ашёвий далиллар билан ушланган.
Департамент Янгиариқ туман бўлими томонидан ДХХ Хоразм вилоят бошқармаси билан ўтказилган тезкор тадбирда эса, фуқаро С.И. бошқа бир фуқаро З.ни танишлари орқали Урганч давлат университетига ўқишга киритиб қўйиши эвазига 2 300 АҚШ долларини олган вақтида ашёвий далиллар билан ушланган.
Мазкур ҳолатлар юзасидан Жиноят кодекси 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Мавзуга оид
16:40 / 25.09.2024
Сурхондарёда ҳоким ёрдамчиси фуқаролар номига кредит олиб, йўқолиб қолди. Бунга шахс айбдорми ёки тизгинсиз тизим?
20:34 / 24.09.2024
Самарқандда фуқароларни Исроил давлатига юборишини айтиб пул олган шахсларга жиноят иши қўзғатилди
17:08 / 24.09.2024
Молиявий пирамида тарғиботига йўл қўйган мактаб директори ва боғча мудираси ишдан олинди
13:01 / 22.09.2024