Бу ҳақда «Спорт» телеканали директори Зоҳид Каримов твиттердаги саҳифасида маълум қилди.
Фото: Getty Images
«Ассалом алайкум, талаб ва истакларни инобатга олиб, МТРК Ла Лига ҳуқуқини олди. Биз доим ҳаракатдамиз», - дея ёзади «Спорт» ТВ бош директори.
Испания чемпионати ТВ-трансляцияси ҳуқуқи сўнгги йилларда «UzReport» телеканалига тегишли бўлиб, бу йил Ла Лигани намойиш этмаётган эди. Мусобақанинг 3-туридан олдин Ўзбекистон миллий телерадиокомпанияси янги мавсум учун трансляция ҳуқуқини қўлга киритди.
Маълумот учун, ЕЧЛ, еврокубоклар, Италия А Серияси ўйинлари ҳам айнан МТРК телеканаллари орқали намойиш этилаётган эди. АПЛ, Бундеслига ва Франция чемпионати намойиши ҳуқуқи эса ҳозирча Ўзбекистонда ҳеч қайси телеканал томонидан сотиб олинмаган.
