Дрон ёрдамида ноқонуний ҳуқуқбузарликлар аниқланмоқда. Бу ҳақда Бухоро вилояти Экология бошқармаси хабар берди.
Бухоро вилояти Экология ва атроф-муҳитни муҳофаза қилиш бошқармаси ҳамда ИИБ ходимлари ҳамкорлигида жорий йил 24 август куни Пешку тумани Қорақир массивида дронлар орқали экологик назорат рейд тадбирлари ўтказилди.
Олиб борилган тадбирлар давомида, Қорақир массивидан фуқаро А.Б. ҳеч қандай рухсатномасиз қамиш ўсимлигини юк машинасига юклаб олиб кетаётгани аниқланди.
Ушбу ҳолат юзасидан фуқарога нисбатан Маъмурий жавобгарлик тўғрисидаги кодекс 79-моддаси 1-қисми билан маъмурий баённома расмийлаштирилиб, жарима белгиланди.
Вилоят бўйлаб дронлар ёрдамидаги назорат рейд тадбирлари давом эттирилмоқда, дейилади маълумотда.
