Хориж таълим ҳужжатларини тан олишда ундириладиган тўлов миқдори айтилди

Хорижий давлатларда таълим олганлик тўғрисидаги ҳужжатларни тан олиш бўйича ундириладиган тўловлар қанча экани ҳақида маълумот берилди.

Ҳукумат 620-сон қарорига асосан хорижий давлатларда умумий ўрта ва ўрта таълим олганлик тўғрисидаги ҳужжатларни тан олиш бепул амалга оширилади.

“Давлат хизматлари янгиликлари” каналида ёзилишича, хорижий давлатларда ўрта махсус, касб-ҳунар, олий таълим, кадрларни қайта тайёрлаш ва малака ошириш таълими олганлик тўғрисидаги ҳужжатларни тан олиш бўйича давлат хизматини кўрсатганлик учун йиғим ундирилади.

Маълум қилинишича, бундай давлат хизмати учун йиғим миқдори 900 000 сўм этиб белгиланган. Бу базавий ҳисоблаш миқдорининг 3 бараварини ташкил қилади.