Ўзбекистон ва Уммон ўртасида экспертлар гуруҳи тузилади

Ўзбекистон ташқи ишлар вазири ўринбосари Фурқат Сиддиқов Уммон савдо, саноат ва инвестицияларни тарғиб қилиш вазири Қайс бин Муҳаммад ал-Юсуф билан учрашди, деб хабар бермоқда “Дунё”.

Мулоқот чоғида икки давлат вакиллари савдо-иқтисодий, инвестицион ҳамкорликни ривожлантириш бугунги кун муҳим мавзуси эканини таъкидлади.

Учрашув давомида Ўзбекистон ва Уммон ўртасида экспертлардан иборат ишчи гуруҳ тузиш ва томонлар манфаатларига бирдек жавоб берадиган лойиҳаларни ўзаро ҳамкорликда ишлаб чиқишни мувофиқлаштириш юзасидан келишувга эришилди.

Шунингдек, томонлар Уммон бизнес вакиллари Ўзбекистонга ташрифини амалга ошириш юзасидан якдил фикр билдирилди.