Ўзбекистонда БМТнинг ёввойи ҳайвонларни сақлаш конференцияси ўтказилади

Ўзбекистон ташқи ишлар вазири Владимир Норовнинг Бирлашган миллатлар ташкилоти Бош ассамблеяси 77-сессиясидаги нутқидаги муҳим мавзулардан бири - иқлим ўзгаришига қарши кураш бўлди.

77-сессия иштирокчилари эътибори Ўзбекистон президенти Шавкат Мирзиёевнинг келгуси беш йил ичида бутун мамлакат бўйлаб 1 миллиард дарахт ва бута экишни назарда тутувчи "Яшил макон" кенг кўламли ташаббусига қаратилди.

Ўзбекистон ташқи ишлар вазири Орол денгизи қуриши муаммосига алоҳида тўхталиб ўтди. Республикада ушбу экологик фалокат оқибатларини юмшатиш, Оролбўйи минтақасини экологик ва гуманитар инқироз ҳудудидан экологик инновациялар ва технологиялар зонасига айлантириш бўйича тизимли ишлар олиб борилмоқда. Сўнгги 5 йил ичида қуриган денгиз тубида 1,7 миллион гектар ўрмон плантациялари барпо этилди. 

В.Норов яқин муддат оралиғида мамлакатда соҳага доир қатор халқаро тадбирлар - БМТ шафелигида Ўзбекистонда биринчи Оролбўйи халқаро форуми, БМТнинг ёввойи ҳайвонлар кўчиб юрувчи турларини сақлаш тўғрисидаги конвенцияси томонлари 14-конференцияси, Чўлланишга қарши конвенцияни амалга оширишни кўриб чиқиш бўйича қўмита навбатдаги йиғилиши ўтказилишини эълон қилди.