Фото: Uzbekistan Airports
Тошкент шаҳрига учиб келган йўловчилар учун янгиланган CIP-зал ишга тушди. У Тошкент халқаро аэропорти учиб кетиш терминали биринчи қаватида жойлашган.
Uzbekistan Airports хабарига кўра, йўловчиларга қулайлик яратиш мақсадида залда алоҳида паспорт назорати кабиналари, юкларни тезлаштирилган тартибда етказиб бериш, бепул Wi-Fi, 75 ўринли юмшоқ креслолар, турли хил ичимликлар мавжуд.
Бундан ташқари, залда Duty Free дўкони очилмоқда. Йўловчилар самолётдан CIP-залга махсус қулай автобусларда олиб келинади.
Тошкентга учиб келган йўловчилар учун CIP-залдан ўтиш нархи 350 000 сўмни ташкил қилади.
