Россиядан Европага кетадиган нефт ўтказгичида сизиб чиқиши аниқланди

Россиядан Европага нефт экспорт қилишга мўлжалланган «Дўстлик» ўтказгичида нефт сизиб чиқиш ҳолати аниқланган. Полшанинг PERN оператори қувурли ўтказгичнинг ғарбий қисмида сизиб чиқиш қайд этилганини аниқлаган. Полша компанияси автоматлаштирилган тизим Полоц шаҳридан 70 км узоқликдаги қувурда сизиш бўлаётганини қайд этган.

Сизиб чиқиш Россиядан Германияга кетаётган ўтказгичда қайд этилган. Сизиш қайд этилган ҳудудда нефт ҳайдаш тўхтатилган, иккинчи йўналиш эса ўзгаришсиз ишламоқда. Ҳодиса жойига PERN оператори мутахассислари ва ўт ўчирувчилар йўл олган.

Россиянинг «Трастнефт» компанияси кўра, сизиб чиқиш Германия чегарасига яқин жойда қайд этилган. Ҳолатга қарамай, Полшага нефт юбориш давом этмоқда. PERN оператори маълумотига кўра, Германияга нефт ҳайдаш техник имконият даражасида амалга оширилмоқда. Германия томонининг маълумотига кўра, «Дўстлик» ўтказгичининг асосий йўналишида нефт юбориш босими камайтирилган.

Россиядан Европага газ экспорт қилишга мўлжалланган «Шимолий оқим» қувурларидан катта миқдорда газ сизиб чиққани бўйича ҳолат диверсия сифатида қайд этилгач, нефт ўтказгичидаги сизиш борасида ҳам шундай тахминлар билдирилди. Аммо Полша ҳукуматининг стратегик энергия инфратузилмаси бўйича масъул вакили Матеуш Бергер нефт сизиб чиқиш ҳолатини диверсия эмас, шунчаки кутилмаган ҳодиса деб атаган.