Нодавлат профессионал таълим лицензиясини олиш талаблари соддалаштирилди

“Нодавлат секторда профессионал таълимни ривожлантиришга шарт-шароитлар яратилиши ҳамда педагог кадрларни аттестациядан ўтказиш тизими такомиллаштирилиши муносабати билан ҳукумат айрим қарорларига ўзгартириш ва қўшимчалар киритиш тўғрисида” ҳукумат қарори қабул қилинди.

Нодавлат профессионал таълим ташкилотлари учун давлат мулки объектларини ижарага олиш энг кўп муддати 5 йилдан 10 йилгача узайтирилди.

Нодавлат таълим ташкилотлари профессионал таълим хизматларини кўрсатиш учун банкдаги ҳисобварағига қўйиладиган маблағ миқдори 2 бараварга (50 минг доллардан 25 минг долларга) қисқартириш орқали лицензия талаблари ва шартлари соддалаштирилди.