Қўшимча функционаллар
-
Тунги кўриниш
Херсон вилоятида экологик фалокат рўй бериши мумкин
Херсон вилоятидаги рус қўшинлари Херсондан чекиниш чоғида Днипро ва унинг ирмоқларидаги сувни ифлослантириб, экологик фалокат келтириб чиқаришга уринмоқда. Бу ҳақда вилоят ҳарбий маъмурияти бошлиғи Ярослав Янушевич хабар берди.
Фото: t.me/khersonskaODA
Унинг сўзларига кўра, Днипронинг ўнг қирғоғидан жўнаб кетаётганда рус қўшинлари шаҳар пристанларига қўйиб қўйилган кемаларни портлатиб юборган, шу сабабли 10 тоннадан ортиқ ёнилғи-мойлаш материаллари дарёга тушиб кетган.
Бу Рамсар конвенцияси билан ҳимояланган сув қушларининг яшаш муҳитини йўқ қилиш билан таҳдид солади.
Украина томони дарёни тезда тозалай олмайди, чунки унинг мутахассислари Россия томонидан босиб олинган ҳудудларга кира олмаяпти.
Янушевичнинг сўзларига кўра, ҳаракатсизлик минтақадаги сув-ботқоқ ерларининг ўнлаб йиллар давомида ифлосланишига олиб келиши мумкин.
Бундан олдин BBC журналистлари сунъий йўлдош тасвирлари ва ижтимоий тармоқлардаги фотосуратларни таҳлил қилиб, Россия Қуролли кучлари ҳарбийлари Миколайивдаги сув таъминотини атайлаб ишдан чиқарган деган хулосага келишганди.
Мутахассислар буни халқаро гуманитар ҳуқуқнинг бузилиши, деб ҳисобламоқда.
Россия-Украина уруши
Мавзуга оид
10:56 / 02.01.2026
Херсон областининг Россия тайинлаган «губернатори» Украинани меҳмонхонага зарба беришда айблади
20:35 / 08.09.2025
Автомобиллар учун экостикерлар жорий этиш яна кечиктирилди
21:07 / 28.08.2025
Автомобиллар ранги шаҳардаги ҳаво ҳароратини ошириши мумкин – тадқиқот
20:07 / 23.08.2025