Қўшимча функционаллар
-
Тунги кўриниш
Владимир Норов Шимолий Кипр масаласидаги саволга жавоб берди
Ўзбекистон ташқи ишлар вазири Владимир Норовнинг айтишича, Туркий давлатлар ташкилоти саммити якуни бўйича Шимолий Кипр борасида ҳеч қандай ҳужжат имзоланмаган.
Аввалроқ Туркия президенти Шимолий Кипрни Туркий давлатлар ташкилотига кузатувчи сифатида қабул қилиш таклифини илгари сурганди.
«Саммит якунлари бўйича Шимолий Кипр бўйича ҳеч қандай ҳужжат имзолангани йўқ. Ўзбекистон халқаро нормаларга асосланган ҳолда ҳар бир давлатнинг ҳудудий яхлитлигини ҳурмат қилади. Шундай экан, Шимолий-Кипрни Туркий давлатлар ташкилотига кузатувчи сифатида қабул қилиш ҳақида гап бўлиши мумкин эмас.
Унутмаслик лозимки, Шимолий Кипр Ислом ҳамкорлик ташкилоти, Иқтисодий ҳамкорлик ташкилоти каби халқаро бирлашмаларда кузатувчи давлат ҳисобланади. Бундан ташқари, Шимолий Кипр 30 йилдан буён Турк маданияти халқаро ташкилотида кузатувчи сифатида қатнашади. Ва бу борада ҳозир ҳеч ким савол бераётгани йўқ.
Кипр турклари ўз қардошлари билан яқинроқ алоқада бўлишни исташи табиий ҳол. Аммо бу масалалар Ташкилот ва аъзо давлатларнинг қонунчилиги билангина тартибга солинади», деди Норов.
Маълумот учун, Кипр давлати шимолидаги турклар ўз давлатини тузиб уни Шимолий Кипр Турк Республикаси деб атаган. Халқаро ҳамжамиятга фақат Туркия Шимолий Кипрни давлат сифатида тан олади.
Самарқандда Туркий давлатлар саммити
Мавзуга оид
19:19 / 20.10.2025
Шимолий Кипрда Эрдўғаннинг рақиби ва оролни бирлаштириш тарафдори ғалаба қозонди
16:21 / 22.05.2025
«Яқин орада Шимолий Кипрнинг Туркий давлатлар ташкилотига аъзо бўлган кунларни ҳам кўрамиз» – Эрдўған
19:01 / 23.04.2025
Шимолий Кипр ва туркий бирлик: зиддият эмас, тадрижийлик
07:49 / 10.04.2025