Ўзбекистонга энг кўп қаҳва Италиядан импорт қилинмоқда.
Фото: Fotolia
2022 йил январь-октябрь ойларида Ўзбекистон хорижий давлатлардан қиймати 2,9 млн АҚШ долларига тенг бўлган 433 тонна қаҳва импорт қилган.
Давлат статистика қўмитаси маълумотларига кўра, қаҳва импорти 2021 йил мос даври билан солиштирилганда 152 тоннага ошган.
2022 йил 10 ойида Ўзбекистонга импорт қилинган қаҳванинг энг катта улушига эга бўлган давлатлар орасида Италия биринчи ўринни эгаллаб турибди – 107,5 тонна.
Ундан кейинги ўринлардан мос равишда 66,2 тонна ҳамда 58,9 тонна қаҳва импорт қилинган Россия ва Бразилия жой олди.
Ушбу кўрсаткич қолган давлатлар кесимида қуйидагича кўринишга эга бўлди:
- Польша – 45,6 тонна;
- Германия – 30 тонна;
- Ҳиндистон – 24,8 тонна;
- Вьетнам – 22,4 тонна;
- Туркия – 16,4 тонна.
