УҚК: Россия Украинада 100 мингдан ортиқ аскарини йўқотиб бўлди

Украина Қуролли кучлари Бош штаби Россия қўшинлари Украинага бостириб кириш бошланганидан бери 100 мингдан ортиқ одам, 3 минг танк ва 6 мингга яқин бошқа зирҳли техникани йўқотганини маълум қилди.

Фото: Anadolu agency

Украина Бош штабининг эрталабки ҳисоботига кўра, гап ҳалок бўлганлар ёки оғир яраланганлар ҳақида кетаётган бўлиши мумкин ҳамда ва бу уларнинг хизматни давом эттиришига тўсқинлик қилмоқда.

9 декабрь ҳолатига кўра, BBC Рус хизмати, "Медиазона" ва очиқ манбалар бўйича кўнгиллилар Украинада 10 002 россиялик ҳарбий ҳалок бўлганини тасдиқлади.

Россия мудофаа вазири Сергей Шойгу Россиянинг йўқотишлари ҳақида охирги марта сентябр ойида хабар берган эди. Ўшанда у Украинада уруш бошланганидан бери 5937 рус аскари ҳалок бўлганини айтди.