Шифокорлар «Терафлю» каби дориларни сотувдан олиб ташлашни тавсия қилмоқда

Тадқиқотлар шамоллашда ишлатиладиган кўплаб машҳур дорилар аслида касаллик аломатларини енгиллаштирмаслигини кўрсатган.

Фото: Reuters

АҚШ шифокорлари шамоллашда ишлатиладиган «Терафлю» ва бошқа машҳур дори-дармонларни самарасизлиги туфайли сотувдан олиб ташлашга чақирмоқда.

Тадқиқотлар шуни кўрсатганки, энг кўп ишлатиладиган дориларнинг баъзилари самара бермаган. Шифокорлар ва тадқиқотчилар ушбу дориларни сотишни тўхтатишни тавсия қилган.

The Wall Street Journal хабарига кўра, ҳозирда одамлар кўп қабул қилаётган «Терафлю», «Бенадрил» ва «Тайленол» рецептсиз сотиладиган таблеткалар, сироплар ва суюқликлар қаторига киради. Уларда бурун битишидан халос қилиш учун фенилэфрин деб аталадиган таркибий қисм бор. Ингредиент хавфсиз кўринади, аммо тўртта тадқиқот шуни кўрсатганки, ушбу дори-дармонлар бурун тиқилишидан халос қилолмайди.

Тадқиқот натижаларига асосланиб, шифокорлар ва фармацевтлар бу таблеткаларни сотмаслик кераклигини айтишган.