Франция Украинани 200 миллион еврога қурол-яроғ билан таъминлайди

Париж Украинага тўғридан тўғри француз ишлаб чиқарувчиларидан қурол ва ҳарбий техника сотиб олиш имконини берувчи 200 миллион евролик фонд яратмоқда.

Фото: AP

Бу ҳақда Франция қуролли кучлари вазири Себастьен Лекорню Киев шаҳрида Украина мудофаа вазири Олексий Резников билан қўшма матбуот анжуманида маълум қилди.

Украина пойтахтига келган Лекорню Резников ва Зеленский билан учрашди.

У Франция Украинага уруш бошланганидан бери кўрсатаётган «ишончли ва доимий ёрдам» ҳақида гапирди.

«Биз Украина армиясининг ушбу ёрдамни 2023 йилда давом эттиришга бўлган эҳтиёжини ўрганиб чиқдик», деб ёзди Франция вазири Twitter'да.