Покистонлик кўп болали отанинг олтмишинчи фарзанди туғилди

Ота юз фарзанд маррасини кўзламоқда, аммо иқтисодий аҳволи бунга имкон бермаслигини айтяпти.

Фото: BBC

Покистоннинг Кватта шаҳрида яшовчи 52 ёшли Сардоржон Муҳаммадҳон Хилжий олтмишинчи марта ота бўлди, деб хабар берди BBC News.

Эркак мутахассислиги бўйича шифокор, ўз клиникасига эга. У уч нафар аёлга уйланган. У янада кўпроқ фарзанд кўриш учун тўртинчи хотин олишни режалаштирмоқда ва дўстларидан келин топишда ёрдам сўраган.

Хилжий сўзларига кўра, аввал у юз нафар фарзанд кўришни режалаштирган эди. Бироқ кейинчалик фикрини ўзгартирган, чунки мамлакатда кун кўриш жуда қимматга тушади.

Кўп фарзандли ота саёҳат қилишни ёқтиришини айтди. Аммо фарзандларининг барчасини машинага сиғдира олмаслигидан нолиди. У ҳукуматдан автобус берилишига умид қилмоқда.

Покистон дунёдаги аҳолиси кўп мамлакатлардан бири ҳисобланади. Ушбу давлатда 220 миллиондан ортиқ одам истиқомат қилади.