Аёл раҳбарлар бошқарувидаги корхоналар сони энг кўп ҳудуд маълум қилинди

2022 йилнинг 1 январь ҳолатига Ўзбекистон Республикасида аёл раҳбарлар бошқарувидаги кичик корхона ва микрофирмалар сони 36 472 тани ташкил этган.

Давлат статистика қўмитаси маълумотларига кўра, аёл раҳбарлар бошқарувидаги кичик корхона ва микрофирмалар сони ўтган йилнинг мос даври билан солиштирилганда 177 тага ошган.

Аёл раҳбарлар бошқарувидаги фаолият юритаётган кичик корхона ва микрофирмалар сони энг кўп бўлган ҳудудлар орасида Тошкент шаҳри биринчи ўринни эгаллади – 9 764 та.

Ушбу кўрсаткич қолган ҳудудлар кесимида қуйидагича кўриниш олди:

• Тошкент вилоятида – 4 760 та;
• Навоий вилоятида – 3 866 та;
• Самарқанд вилоятида – 2 475 та.