Хитой «Сиан-Тошкент-Сиан» тўғридан тўғри ҳаво қатновини тикламоқда

Фото: AP

Хитойнинг Zhejang Loong Airlines Co. Ltd авиакомпанияси «Сиан – Тошкент – Сиан» йўналиши бўйича ҳаво қатновларини тикламоқда.

COVID пандемияси туфайли вақтинча тўхтатилган авиакомпания рейслари 10 февраль кунидан тикланиши кутилмоқда. Мунтазам парвозлар Airbus A320 самолётларида ҳафтада бир марта - жума кунлари амалга оширилиши режалаштирилган.

Маълумот учун, Zhejang Loong Airlines Co.Ltd авиакомпаниясининг «Сиан – Тошкент – Сиан» йўналиши бўйича илк чартер рейси 2019 йил 2 сентябрда бажарилган.

Шунингдек, 2020 йилнинг 10 январь куни ушбу авиакомпания томонидан «Ченду – Тошкент – Ченду» биринчи чартер рейси йўлга қўйилган.

Тайёрлаган: Отабек Матназаров

#Тошкент #Сиан