Аномал совуқ боғларни зарарлади. Бу мева нархига қандай таъсир қилади?

Шу йил январь, февраль ойларида кузатилган аномал совуқ Ўзбекистонда нафақат иссиқлик ва электр таъминотидаги муаммолар, балки қишлоқ хўжалиги экинлари, мевали боғларни совуқ уриши ва унинг оқибатлари билан ҳам ташвишли бўлди.

Фото: Kun.uz

Шу кунларда таҳририятимизга экинларини совуқ уриши бўйича боғ эгалари ва тадбиркорлардан мурожаатлар етиб келмоқда. Уларда юзлаб гектар мевали боғларни совуқ ургани, бунда баъзи боғлар батамом қуриш, яна айрим боғлар эндигина қайта ўсиш жараёнида эканини кўриш мумкин.

Юборилган мурожаатларда тадбиркорларни совуқ урган боғлар учун қандай ёрдам олиш мумкинлиги, банк ва солиқ органлари олдидаги мажбуриятлар борасида енгилликлар бор, йўқлиги ҳақида маълумотлар ҳам қизиқтирган.

Kun.uz мухбири тадбиркор ва боғ эгаларини қизиқтирган саволлар, шунингдек, мева боғларини совуқ уриши ёзда мева нархига қандай таъсир ўтказиши борасидаги саволлар билан Қишлоқ хўжалиги вазирлиги ҳузурида Қишлоқ хўжалигида хизматлар кўрсатиш агентлигига мурожаат қилди. Саволларимизга агентлик бўлим бошлиғи ўринбосари Жамшид Сайдуллаев жавоб берди.