Британия: Россия эгаллаб олган ҳудудларида паспортларини мажбуран тарқатяпти

Фото: РИА Новости

Буюк Британия Мудофаа вазирлиги томонидан эълон қилинган Украинадаги уруш бўйича вазиятнинг навбатдаги шарҳи босиб олинган ҳудудлардаги украиналикларга Россия паспортларининг мажбурий тарқатилишига бағишланди.

Бу ҳудудлар аҳолиси «шубҳасиз, Россия Федерацияси паспортларини олишга мажбур бўлмоқда», — дейилади идоранинг Twitter’даги баёнотида.

«Россия паспортлардан босиб олинган ҳудудларни «руслаштириш» воситаси сифатида фойдаланмоқда, худди 2022 йил февралидаги босқиндан олдин Донецк ва Луҳанскда бўлгани каби», — дея таъкидлаб ўтди Лондон.

Буюк Британия Мудофаа вазирлигига кўра, Россия Федерацияси 2024 йилги президентлик сайловлари арафасида босқинни муваффақиятли деб кўрсатиш учун Украинанинг босиб олинган ҳудудлари интеграциясини тезлаштиришга интилмоқда.

Тайёрлаган: Отабек Матназаров

#паспорт #Россия