Хитой Тошкентдаги 30 та йирик корхонага қуёш панелларини ўрнатади

Тошкент шаҳар ҳокимининг ўринбосари Шароф Раҳмонов Хитойнинг CC7 Industries компанияси президенти Лун Хаян бошчилигидаги делегация билан учрашди.

Фото: Тошкент шаҳар ҳокимлиги

Шароф Раҳмонов компания билан келишувга асосан улар томонидан пойтахтдаги 30 та йирик корхоналарга қуёш станцияларини ўрнатиш ишларини жадаллаштириш муҳимлигига эътибор қаратди.

Бирламчи ҳисоб-китобларга кўра, уларнинг томидаги 747 минг кв метр майдонга 100 МВт қувватга эга панеллар жойлаштирилади. Ҳозирда компания мутахассислари ушбу объектларда ўрганиш ишларини олиб бормоқда.

Лун Хаян компания Ўзбекистон ва Тошкент билан ҳамкорлик улар учун ҳам аҳамиятли эканлигини қайд этиб, мутахассислар бу жараёнга катта тайёргарлик кўраётганини қайд этди.