Боғчадаги катталар ўйини

Кўзбўямачилик, ота-оналарни алдаш, қинғирликка ундайдиган кам ойликлар, асабий боғчаопалар, қоғозда ўтиладиган дарслар ва боғчага боришни хоҳламайдиган болалар. Мактабгача таълимдаги муаммолар бир-бирига боғлиқ занжирни ҳосил қилган. SUBYEKTIV суҳбатдошлари ана шу занжирнинг ҳалқалари ҳақида сўзлаб берди.

SUBYEKTIV таълим тизимининг ҳолати ҳақидаги кўрсатувларини давом эттиради. Лойиҳанинг навбатдаги сонида мактабгача таълимдаги реал воқеликка назар ташланган.

Суҳбатдошларимиз – болалар психологи, дефектолог, боғчалардан биридаги ота-оналар қўмитаси раиси ва яхши боғча излаб сарсон бўлган она.

Уларнинг сўзлаб берганлари охирги йилларда тизимда боғчалар сони кескин ортаётгани билан, ҳали сифат масаласи жуда оғриқли муаммо бўлиб қолаётганини кўрсатади.