Ўзбекистонда иккинчи халқаро энергетика форуми бўлиб ўтади

Энергетика вазирлиги маълумотига кўра, форум доирасида «Ўзбекистон нефт ва гази – OGU  2023» 25-юбилей халқаро кўргазмаси, «Энергетика, энергияни тежаш, атом энергетикаси, муқобил энергия манбалари – Power Uzbekistan- 2023» 16-халқаро кўргазмаси, «Яшил энергетика технологиялари – GETCA 2023» ихтисослаштирилган бўлими ва  3-Халқаро Ўзбекистон энергетика анжумани ўтказилади.

Форум Ўзбекистон ҳукумати ва Энергетика вазирлиги кўмагида Iteca Exhibitions халқаро кўргазма компанияси ва унинг ҳамкорлари – CA Eurasia Group ва  Congresses of Central Asia – CCA томонидан ташкил этилмоқда

Тадбирлар доирасида хорижий ва маҳаллий компаниялар, халқаро экспертлар ҳамжамияти вакиллари иштирокида соҳага оид долзарб мавзуларни муҳокама қилиш режалаштирилган.

Кўргазма стендларида замонавий асбоб-ускуналар, саноат материаллари, хомашё ва хизматлар, жумладан, локализацияга мўлжалланган намуналар намойиш этилади.