Беларус суди Россиядан экстрадиция қилинган фаолни 12 йилга ҳукм қилди

Яна Пинчук 2022 йилда Россиядан экстрадиция қилинган ва у Минск “экстремистик” деб ҳисоблаган Telegram-каналларини бошқаргани учун Беларусда жиноий жавобгарликка тортилди.

Яна Пинчук / Фото: Весна

Минск шаҳар суди 6 июн, сешанба куни беларуслик фаол Яна Пинчукни мамлакат расмийлари “экстремистик” деб ҳисоблаган учта Telegram-канали маъмури бўлгани учун 12 йилга озодликдан маҳрум қилди.

Қиз “экстремистик тузилма яратиш”, миллий хавфсизликка қарши чора кўришга чақириш, адоват қўзғатиш, тартибсизликларга тайёргарлик кўриш ва террорчилик ташкилоти тузиш каби моддалар бўйича айбдор деб топилган. Суд жараёни ёпиқ эшиклар ортида ўтказилди.

Пинчукка нисбатан иш "Витебск 97%" чати суҳбатини бошқаргани учун қўзғатилган, кейинчалик у "экстремистик" деб эълон қилинган. Пинчукнинг таъкидлашича, у чатга "экстремистик" мақоми берилишидан олдин унинг администратори бўлишни тўхтатган.

Беларус фуқароси Яна Пинчук 2018 йилдан бери Санкт-Петербургда яшаб келган. 2021 йилда у Беларус ҳукуматининг экстрадиция сўровидан кейин қўлга олинган. Пинчук Россияда қочқинлик мақомини олиш учун ариза юборган, бироқ рад жавоби берилган.