Ўзбекистон ТИВ раҳбари Қозоғистон элчихонасига ташриф буюрди

12 июнь куни Ўзбекистон ташқи ишлар вазири Бахтиёр Саидов Қозоғистоннинг Тошкентдаги элчихонасига ташриф буюрди. Бу ҳақда ТИВ матбуот хизмати хабар берди.

Фото: Facebook / BaxtiyorOdilovichSaidov

Вазирлик маълумотига кўра, Бахтиёр Саидов Абай вилоятида содир бўлган кучли ўрмон ёнғинлари оқибатида ҳалок бўлганларнинг оила аъзолари ва яқинларига чуқур ҳамдардлик билдирган.

12 июнь куни Шавкат Мирзиёев Қозоғистон президенти Қосим-Жўмарт Тўқаев билан телефон орқали мулоқот қилган эди.

Суҳбат чоғида Ўзбекистон томонининг табиий офатга қарши курашиш ва унинг оқибатларини бартараф этишда барча зарур ёрдамни кўрсатишга тайёрлиги қайд этилди.