Бахтиёр Саидов ЕХҲТ ДИИҲБ сайловларни кузатиш миссияси раҳбари билан учрашди
Ўзбекистон ташқи ишлар вазири Бахтиёр Саидов Европада хавфсизлик ва ҳамкорлик ташкилоти ЕХҲТ ДИИҲБнинг сайловларни кузатиш бўйича миссияси раҳбари, элчи Урсула Гачек билан учрашди.
![](https://storage.kun.uz/source/9/XsuafmlM7-gy0b6FQ1qqUKFEdzXf9bEU.jpg)
Фото: Dunyo
«Бугун Тошкентда Европада хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюросининг (ЕХҲТ ДИИҲБ) сайловларни кузатиш бўйича миссияси раҳбари Урсула Гачек хоним олиялари билан учрашишдан мамнун бўлдик», – деб ёзди Ўзбекистон ТИВ раҳбари ўзининг Telegram-каналида.
Қайд этилишича, ҳамкорлик юзасидан самарали фикр алмашилган ва ДИИҲБ кузатувчилар миссиясининг бўлажак президент сайловида иштирок этиши муҳокама қилинган.
Миссия Тошкентда жойлашган 11 нафар халқаро эксперт ва 24 нафар узоқ муддатли кузатувчидан иборат асосий гуруҳдан иборат бўлиб, улар 14 июндан бошлаб бутун мамлакат бўйлаб жойлаштирилди. ДИИҲБ, шунингдек, сайлов кунидан бир неча кун олдин келадиган 250 нафар қисқа муддатли кузатувчиларни жалб этишни режалаштирмоқда.
Миссия сайловларнинг ЕХҲТ ва бошқа халқаро мажбуриятлар, демократик сайловлар ўтказиш стандартларига ҳамда миллий қонунчиликка мувофиқлигини баҳолайди.
Кузатувчилар сайлов кунигача ҳам, кейин ҳам сайловнинг барча жабҳаларини диққат билан кузатиб боради. Аниқ йўналишлар қаторига норматив-ҳуқуқий базани амалга ошириш, сайловолди ташвиқот, жумладан, ижтимоий тармоқларда, барча даражадаги сайлов комиссиялари фаолияти, сайловга оид низоларни ҳал этиш ва оммавий ахборот воситаларида ёритиш киради. Кузатувчилар ДИИҲБнинг сайловлар бўйича олдинги тавсияларининг бажарилишини ҳам баҳолайди.
Миссия сайловдан кейин матбуот анжумани ўтказиб, дастлабки хулосаларни тақдим этади. Бутун сайлов жараёнини баҳоловчи ва тавсиялар берувчи якуний ҳисобот сайловдан бир неча ой ўтгач эълон қилинади.
Мавзуга оид
![](https://storage.kun.uz/source/thumbnails/_medium/10/0Zh1DP4E0sJ9Z89B0HCFK-NFsz9leReJ_medium.jpg)
15:03 / 05.09.2024
Ташқи ишлар вазири БМТ бош котиби махсус вакилини қабул қилди
![](https://storage.kun.uz/source/thumbnails/_medium/10/uh_AuohOgSU6VXjjULbnDd-YOtX_jGac_medium.jpg)
16:38 / 30.08.2024
Ўзбекистон ташқи ишлар вазири UNFPA доимий вакили билан учрашди
![](https://storage.kun.uz/source/thumbnails/_medium/10/-5ZHl0HaTtdYG-sO3u37jAsmbryjINhN_medium.jpg)
09:26 / 22.08.2024
Ўзбекистон ташқи ишлар вазири БМТ махсус маърузачиси билан учрашди
![](https://storage.kun.uz/source/thumbnails/_medium/10/9xOlCkGlXNqUTrAgvZkv6wzsDuPWOK5T_medium.jpg)
10:23 / 20.08.2024