Тошкент вилоятида «нарколаборатория» ташкил қилган шахслар ушланди
Синтетик гиёҳвандлик воситаларни тайёрлашда иштирок этган 43 ёшли эркак ва 21 ёшли аёл қўлга олинди.
Тошкент вилояти, Олмалиқ шаҳрида яширин «нарколаборатория» ташкил қилган шахслар ушланди. Бу ҳақда ИИББ ахборот хизмати хабар берди.
Қайд қилинишича, 40 ёшли фуқаро гумонланиб, текширилганда ёнида 0,36 грамм «мефедрон» синтетик гиёҳвандлик воситаси борлиги аниқланган.
Шундан сўнг, тезкор тадбир давом эттирилиб, шахснинг яшаш хонадони кўздан кечирилганда, турли ҳажмдаги идишларда кимёвий, ўткир ҳидли суюқликлар, яримтайёр ва тайёр ҳолдаги синтетик гиёҳвандлик воситалари ҳамда уларни тайёрлашда фойдаланилган техник воситалар топилган.
Тадбир давомида ушбу воситаларни тайёрлашда иштирок этган 43 ёшли эркак ва 21 ёшли аёл ҳам қўлга олинган.
Ҳолат юзасидан Жиноят кодексининг 273-моддаси (Гиёвандлик воситалари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) 4-қисми билан жиноят иши қўзғатилиб, тергов ҳаракатлари олиб борилмоқда.
Мавзуга оид
15:58 / 03.10.2024
Янгийўлда 4 ёшли қизчани зўрлашда гумонланаётган шахс ушланди
14:34 / 03.10.2024
Тошкент вилоятида чуқурга тушиб кетган одам чиқариб олинди
09:10 / 01.10.2024
Тошкентда хонадонида 38 кг гиёҳвандлик воситасини сақлаб келган шахс ушланди
14:30 / 28.09.2024