Германия таълим вазири Хитойдан жосуслик таҳдиди ҳақида огоҳлантирди

Вазир Хитойдан давлат стипендияси ҳисобидан молиялаштирилган талабаларни қабул қилишдан бош тортган Бавария университети ташаббусини қўллаб-қувватлади.

Фото: web.de

Германиядаги илмий-тадқиқот институтлари ва университетлари Хитойдан давлат стипендияси олувчилар томонидан эҳтимолий жосусликдан ҳимояланиши керак, деди Германия таълим вазири Беттина Штарк-Ватцингер 29 июль, жума куни.

«Хитой илм-фан ва тадқиқотларда тобора кўпроқ рақобатчи ва тизимли рақибга айланиб бормоқда», деди вазир Эрланген ҳамда Нюрнбергдаги Фридрих-Александр номидаги университет (FAU)нинг ёндашувини юқори баҳолаб.

1 июндан бошлаб FAU фақат Хитой стипендиялар кенгаши (CSC) томонидан молиялаштириладиган бакалавриат ва магистратура талабаларини қабул қилмаслик ҳақида қарор қабул қилди, деб ёзади dpa. Штарк-Ватцингер стипендияни «Хитойнинг стратегик воситаси» деб атади, бу орқали ХХР чет элда билим олиш орқали технологик бўшлиқларни ёпишга ҳаракат қилмоқда.

«FAU қарори, шунингдек, бошқа институтларни CSC билан ҳамкорлик муносабатларини қайта кўриб чиқишга ундаши керак. Бу эрда илмий-тадқиқот институтлари, университетлар ва воситачи ташкилотлар академик эркинлик билан боғлиқ масъулиятга эга», деди у.

#Германия #Хитой