Депутатлар «Педагогнинг мақоми тўғрисида»ги қонун лойиҳасини қабул қилди

Қонунчилик палатасида «Педагогнинг мақоми тўғрисида»ги қонун лойиҳаси депутатлар томонидан қабул қилинди.

Ушбу қонунда педагог тушунчаси, педагогнинг мақоми, унинг ҳуқуқ ва мажбуриятлари ҳамда педагог фаолиятининг асосий кафолатлари белгиланган.

Қонун лойиҳаси билан:

• педагогнинг шаъни, қадр-қимматини ҳимоя қилиш масаласида муайян мансабдор шахснинг хатти-ҳаракатлари устидан судга мурожаат қилганида давлат божини тўлашдан озод этилиши;
• илк бор касбий фаолият бошлаётган шахсга бир ўқув йили даврига ўқитувчи-мураббийликни амалга оширувчи педагог ходимни бириктирилиши;
• бириктирилган мазкур педагогга қўшимча ҳақ тўланиши каби кафолатлар мустаҳкамланмоқда.