Полша Беларус билан чегарани мустаҳкамлашни бошлади

Полша мудофаа вазири Мариуш Блашчак Беларус билан чегарада Полша қўшинларининг ҳарбий иштирокини ошириш ва у ерда қўшимча техника, хусусан, жанговар вертолётларни жойлаштиришни буюрди.

Бу ҳақда Полша Миллий мудофаа вазирлигининг 1 август, сешанба куни чоп этилган хабарида айтилади. Чегарани мустаҳкамлашга икки Беларус вертолёти билан боғлиқ ҳодиса сабаб бўлди, Блашакнинг сўзларига кўра, сешанба куни улар Полша ҳаво ҳудудига кириб келган.

Полша Мудофаа вазирлиги маълумотларига кўра, Беларус армияси чегара яқинидаги Беловеж вилоятида машғулотлар ўтказган ва бу ҳақда Полша томонини хабардор қилган. Машқлар давомида ўта паст баландликда бўлган ҳамда радар тизимлари томонидан вақтида аниқланмаган иккита вертолёт Полша чегарасини бузган. Полша томони воқеа ҳақида НАТОни хабардор қилган.

Беларус Мудофаа вазирлиги чегарани бузганлик айбловларини расман рад этди. Вазирлик маълумотларига кўра, Полша томони - «кимдир айтди» услубида - «Беларус чегараси яқинида куч ва воситаларни йиғиш учун яна бир асос» учун айбловлар қўйган ва буни «чет элдаги хўжайинлари билан маслаҳатлашганидан кейин» қилган.