Ўзбекистон ва Италия канакунжут етиштиришни йўлга қўяди

Ўзбекистон қишлоқ хўжалиги вазири Азиз Воитов Италиянинг EniS.p.A компанияси жамоатчилик билан алоқалар директори Лапо Пистелли бошчилигидаги компания вакиллари билан учрашди.

Фото: Dunyo

Вазирлик маълумотига кўра, учрашувда канакунжутни мамлакат суғориладиган минтақаларида бир йиллик экин сифатида етиштириш имкониятлари мавжудлиги таъкидланди.

Ушбу ўсимликнинг озиқ-овқат, дори-дармон ҳамда соч ва терини парвариш қилиш маҳсулотларига қўшимчалар, шунингдек, саноатда мойлаш материаллари ва биодизел ёқилғиси компоненти сифатида ишлатилиши қайд этиб ўтилди.

Томонлар канакунжутни етиштириш ва қайта ишлаш бўйича ҳамкорлик йўналишларини ишлаб чиқиш ва биргаликда янги лойиҳаларни ишга тушириш имкониятларини ўрганиб чиқишга келишиб олди.