Самарқандда 8 килограммдан ортиқ «опий»нинг ноқонуний айланмасига чек қўйилди

Давлат хавфсизлик хизматининг Самарқанд вилояти бўйича бошқармаси ходимлари томонидан вилоят ИИБ билан ҳамкорликда ўтказилган тезкор тадбирда, Ургут туманида яшовчи опа-сингил 911 гр “опий” моддасини 12 минг АҚШ долларига сотган вақтида ашёвий далиллар билан ушланди.

Тезкор суриштирув ҳаракатлари давомида, улар моддани мазкур туманда истиқомат қилувчи 2 нафар шахсдан олгани аниқланиб, улар ҳам қўлга олинди.

Шунингдек, мазкур шахсларнинг яшаш хонадонида ўтказилган тинтув тергов ҳаракати вақтида, улардан бирининг уйидан 228 гр “опий” ва иккинчисининг уйидан эса 7 кг 187 гр “опий” моддаси холислар иштирокида процессуал тартибда расмийлаштириб олинди.

Аниқланишича, тезкор тадбир давомида олинган жами 8 кг 326 гр “опий” моддаси Тожикистондан контрабанда йўли билан олиб келинган.

Ҳозирда мазкур 4 нафар фуқарога нисбатан ДХХ Самарқанд вилояти бўйича бошқармаси Тергов бўлими томонидан Жиноят кодексининг 28,246-моддаси 2-қисми ва 273-моддаси 5-қисми билан жиноят иши қўзғатилиб, “қамоққа олиш” тарзидаги эҳтиёт чораси қўлланилган. Тергов ҳаракатлари олиб борилмоқда.