Усмон Дембеле Испания Ла Лигасидан Франция чемпионатига қайтди.
Фото: ПСЖ
«ПСЖ» клуби расмий сайти франциялик ҳужумкор яримҳимоячининг трансферини эълон қилди. Дембеле «ПСЖ» клуби билан 2028 йилгача мўлжалланган 5 йиллик шартнома имзолади. Париж клуби 26 ёшли вингернинг трансфери учун «Барселона»га 50 миллион евро тўлайди. Бу Дембеленинг Каталония клубини тарк этиш учун шартномадаги товон пули ҳисобланади. Келишув шартларига биноан, маблағнинг тенг ярми футболчининг ҳисоб рақамига ўтказилиши белгиланган.
Маълумот учун, 26 ёшли вингер 2016 йил Франциянинг «Ренн» клубидан «Боруссия»га ўтган, Дортмунд клубидан эса 2017 йилда 105 миллион евро эвазига «Барселона»га трансфер қилинганди. Дембеле Каталония клубида ўтган мавсум Ла Лигада 25 ўйинда 5та гол ва 7та ассист қайд этиб, якунда Испания чемпионига айланган эди.
