Ўзбекистон ва Фаластин сиёсий маслаҳатлашувлар тўғрисида Баённома имзолади

Тошкентда Ўзбекистон ташқи ишлар вазири Бахтиёр Саидов ва Фаластин ташқи ишлар вазири Риад Малки ўртасида учрашув бўлиб ўтди.

Фото: ТИВ

“Асрлар давомида шаклланган тарихий ришталаримиз кўплаб йўналишларда алоқаларни кенгайтириш учун мустаҳкам пойдевор бўлиб хизмат қилади. Ўзбекистон ва Фаластин бозорларини кашф қилишда икки мамлакат ишбилармонларини қўллаб-қувватлашга тайёрмиз”, — дейилади 20 августда эълон қилинган ТИВ баёнотида.

Шунингдек, 21 август куни Ўзбекистон-Фаластин ташқи ишлар вазирликлари ўртасидаги сиёсий маслаҳатлашувлар тўғрисида Баённома имзоланди.

Ҳужжатда ўзаро муносабатларнинг устувор йўналишлари, эришиладиган аниқ мақсадлар ва асосий қадамлар белгиланган.

Расмий релизда учрашувнинг бошқа тафсилотларига тўхталинмаган.