Шавкат Мирзиёев БМТ Бош ассамблеясида нутқ сўзлайди

19-25 сентябр кунлари Нью-Йоркда БМТ Бош Ассамблеясининг Олий даражадаги ҳафталиги бўлиб ўтади.

Фото: Президент матбуот хизмати

Ўзбекистон президенти Шавкат Мирзиёев БМТ Бош Ассамблеясининг олий даражадаги ҳафталигидаги нутқ сўзлайди. Бу ҳақда Бош Ассамблея сессияси дастурига таяниб ТАСС хабар берди.

Олий даражадаги ҳафталик 19 сентябр куни, анъанага кўра, Бразилия президенти нутқи билан бошланади.

Сўнгра АҚШ раҳбари нутқи режалаштирилган. Шу билан бирга, ассамблеянинг биринчи кунида Украина, Туркия, Жанубий Африка, Венгрия, Ўзбекистон ва Қозоғистон раҳбарларининг чиқишлари ҳам режалаштирилган.

Дастур хомаки ҳисобланади, мамлакатлар ўз хоҳишига кўра вакиллик даражасини ўзгартириши ва нутқни бошқа санага қолдиришни сўраши мумкин.

БМТ Бош Ассамблеясининг Олий даражадаги ҳафталиги 19-25 сентябр кунлари Нью-Йоркда бўлиб ўтади.

#БМТ #Шавкат Мирзиёев