Грециянинг материк қисми, шунингдек, Туркия ва Болгарияда «Даниэл» бўрони олиб келган кучли ёмғирлар туфайли бошланган кучли сув тошқинлари давом этмоқда.
Грецияда сув тошқини оқибатида камида уч киши ҳалок бўлган, Болгариянинг Қора денгиз соҳилидаги ҳудудларида тўрт киши вафот этган, Туркияда табиий офат қурбонлари сони етти нафарни ташкил этмоқда.
Ўтган ёзда Европанинг жанубий қисми бир қанча экстремал об-ҳаво ҳодисаларини бошдан кечирди, жумладан рекорд даражадаги жазирама ва ёнғинларни.
Экстремал об-ҳаво шароитлари кенг тарқалишида иқлим ўзгаришининг ролини ўрганаётган, дунё бўйлаб турли мамлакатлардан бўлган олимларни жамлаган World Weather Attribution тадқиқоти муаллифлари ҳисоблашича, инсон омили бўлмаганида, бу ёздаги воқеаларни жуда ноёб ҳолат сифатида ҳисоблаш мумкин эди.
Асал ойини Грецияда ўтказиш учун Австриядан келган жуфтлик кучли тошқин улар яшаётган уйни ювиб кетганидан кейин бедарак йўқолган.
Фавқулодда хизматлар ходими BBC билан суҳбатда бу одамларни қидириш ишлари давом этаётганини хабар қилган. Уй эгасининг сўзларига кўра, ёшлар ёмғирдан қочиб уйга кирган, аммо уй сатҳи кўтарилган сув остида қолган.
Грециялик қутқарувчилар мамлакат марказий қисмидаги чекка қишлоқларда яшовчи аҳолига етиб боришга уринмоқда, бу ҳудудларга бир кун ичида бир йиллик ёғингарчилик тушган.
Греция фуқаролик муҳофазаси вазири Василис Кикилиас чоршанба куни бўлиб ўтган матбуот анжуманида штормни «мисли кўрилмаган ҳодиса» деб баҳолади.
Фото: SAKIS MITROLIDIS
Фото: GETTY IMAGES
Туркиянинг энг йирик шаҳри Истанбул кўчаларида ҳам сув автомобилларни оқизиб кетган ва одамлар маҳаллий кутубхонада қамалиб қолишган.
Фото: YASIN AKGUL
Фото: DIA IMAGES
Фото: ANADOLU AGENCY
Фото: Cem Tekkesinoglu/Anadolu Agency via Getty Images
Фото: Sercan Ozkunazli/ dia images via Getty Images
Болгария ҳукумати қурбонлар ҳақида хабар берган - бир аёл жасади денгизга оқиб кетган.
Фото: YORDAN ZHEKOV
Фото: NIKOLAY DOYCHINOV
